Que é a exostose?
A presenza de exostose é un sinal evidente da necesidade de protección nos oídos para minimizar a súa progresión. Sabes en que consiste? Explicámolo:
Definida como "crecemento anómalo dun óso", esta doenza pode aparecer nos nosos oídos. Como? Pois co crecemento na rexión do oído externo, o que todos recoñecemos como conduto auditivo, o óso temporal crece, producindo unhas protuberancias que, pouco a pouco, van diminuíndo o diámetro do conduto auditivo podendo chegar, practicamente, a pechalo.
As causas principais que inflúen en que suceda este crecemento son a exposición regular dos nosos oídos á humidade e ao frío. É por isto que, aquelas persoas que teñen un contacto moi habitual cun medio húmido, incrementan o risco de padecer estas alteracións que, a medio e longo prazo, poden acabar coa súa actividade profesional (no caso, por exemplo, de mergulladores profesionais, deportistas...) ou de ocio.
A exostose non aparece dun día para outro. A súa evolución é lenta e silenciosa (non produce dor) e, habitualmente, pasa desapercibida ata que comezan os primeiros problemas derivados da súa presenza: dificultade para eliminar a auga que entrou nos nosos oídos, aumento do risco de padecer otite... Esta enfermidade repetida pode afectar á nosa audición, ademais de requirir períodos de descanso da actividade que nos levou a contraer esta infección.
O uso de tapóns como elemento protector non sempre é posible. Nos casos de actividades subacuáticas está totalmente contraindicado o seu uso debido ao alto risco de producirse un barotrauma que faría bo o dito: "peor o remedio que a enfermidade".
Pero para nadadoras, surfistas, navegantes... si que existe a posibilidade de protexer de forma eficaz os seus oídos durante o tempo que dure a súa actividade. Para evitar perder contacto cos sons do mundo exterior e non afectar ao noso "sentido" do equilibrio, naceu TOMBO. Protectores para os oídos especialmente útiles para deportes como Surf, BodyBoard, KiteSurf, Kayac...