Tapóns para os oídos a medida

Os nosos tapóns de oídos para auga serán un imprescindible para ti

A razón pola que debes animarte a probar TOMBO é porque é un protector a medida que marca a diferenza en relación a outras opcións típicas de tapóns de oído a medida estándar.

Estes tapóns axudarante a manter a saúde auditiva, reducindo o risco de infeccións e a indesexada exostose, que a día de hoxe moitas persoas que teñen unha continua relación coa auga, sofren en maior ou menor medida.

No noso laboratorio aplicamos a tecnoloxía 3D para a individualización de cada protector, o que nos permite adaptar os moldes ás formas de cada conduto auditivo. Deste xeito, lograrás unha protección máxima ante a posible entrada de auga e, á vez, unha agradable sensación sen molestias asociadas durante o tempo do uso.

O proceso de fabricación de TOMBO é con materiais 100% biocompatibles e hipoalergénicos o que garante a seguridade de todas as persoas que utilicen estes tapóns de oído para piscina. Á hora de comprar os teus TOMBO poderás escoller entre variedade de cores.

Por que son os tapóns de oído a medida que buscabas?

A forza da eficacia reside nas tres puntas de lanza do noso tridente:

Conservar a sonoridade

Mellorar o equilibrio

Prevención da saúde auditiva

Usar os nosos tapóns para os oídos a medida ten máis vantaxes

Axudan a previr a otite

Os nosos tapóns de oídos para piscina son ideais para previr a otite. Ofrecen protección efectiva, evitando a entrada de auga e reducindo o risco de infeccións. Coida a túa saúde auditiva da man de TOMBO mentres practicas os teus deportes acuáticos favoritos!

Evitan a entrada da auga

A súa función principal é impedir a entrada de auga no conduto auditivo mentres practicas natación, caiac... previndo as molestias e posibles complicacións posteriores. É esencial utilizar tapóns a medida para un confort auditivo óptimo.

Potencian a concentración

Estes protectores están deseñados para potenciar a túa concentración, reducindo ruídos molestos. Con todo, non bloquean completamente o son, permitíndote estar consciente dos sons do teu entorno. Así, logras un equilibrio entre enfoque e consciencia ambiental.

Usar os nosos tapóns para os oídos a medida ten máis vantaxes

Escoitaches? Si, claro

Conserva a sonoridade cos nosos tapóns para oídos a medida

O poder manter un contacto sonoro co ambiente implica máis desfrute das actividades acuáticas sen perder os sons do entorno.

Poder manter conversas con outras persoas sen quitar os tapóns de oído a medida TOMBO durante a práctica do noso deporte é unha das características máis valoradas polos nosos clientes.

Con este tipo de tapóns para piscina a medida conseguirás unha redución na atenuación da intensidade sonora de máis dun 50%, o que significa: maior nitidez, maior claridade, mellor entendemento... En definitiva maior naturalidade e conexión co ambiente no que estamos.

Mellora o equilibrio baixo a auga

Todo baixo control cos nosos tapóns de oídos para piscina a medida

Non vos equivoquedes! Non imos conseguir que ninguén mellore o seu estilo surfeiro ou, que aqueles que estades comezando, poidades axilizar os tempos de aprendizaxe para conseguir manterse en pé na vosa táboa.

Para aqueles que queirades facer surf empregando protección auditiva é importante que coñezades a implicación do oído como sentido que forma parte íntima á hora de manter o noso equilibrio:

Os receptores para a audición e o equilibrio atópanse no oído. O oído externo, o oído medio e a cóclea do oído interno están relacionados coa audición. Os canais semicirculares, o utrículo e o sáculo do oído interno están relacionados co equilibrio.
Ademais de permitirnos escoitar os sons que nos rodean, o oído é o responsable de informar ao cerebro para que, unha vez procesada dita información, o cerebro poida activar a resposta motora que implicará mover os músculos necesarios que nos permitan manter o equilibrio.

Por iso, unha mellor audición, utilizando tapóns de oído a medida, vai favorecer a nosa experiencia sobre a auga e, afectará favorablemente, á conservación do equilibrio, evitando movementos inapropiados na situación na que estamos. Isto fai, en consecuencia, que poidamos evitar caídas que doutro xeito se producirían.

Isto é realmente importante para aquelas persoas que practican deportes acuáticos no mar, xa que, as condicións da auga nunca son as mesmas e cambian cada momento. Practicantes de surf, body board, kit surf, caiac, descenso... coñecen ben estes cambios e como se relacionan coa dificultade de manter o tan necesario e ansiado equilibrio, polo que escollen TOMBO, os teus novos tapóns para os oídos para a auga.

Prevé doenzas futuras

Coida da túa saúde auditiva cuns bos tapóns de oído para auga

O noso oído está preparado para soportar e protexerse de forma natural de certos elementos alleos a el que poidan acceder ao seu interior. Entre eles atópase unha certa cantidade de auga e de humidade.

A propia anatomía do oído, así como o cerume e o PH que se atopa no interior do conduto auditivo, axudan a repeler e eliminar a sucidade e humidade.

Aínda así o proceso de eliminación é lento e, ás veces, os oídos non son capaces de restaurar a tempo o ambiente propicio do conduto auditivo, abríndose así, a posibilidade dunha colonización das bacterias alleas á nosa fauna microbiota auricular, ou incluso aos fungos.

As consecuencias poden ser dende unha simple molestia ou incomodidade por auga que quedou adherida no tímpano e que provocou un aumento do volume de cera que tiñamos no interior do conduto auditivo externo (CAE) facéndonos oír peor, ata dor e inflamación, signos típicos dunha otite do oído externo.

A medio e longo prazo, se non se utilizan os tapóns para oídos a medida, poden aparecer outro tipo de problemas asociados a un oído externo mal protexido e que sufriu varias molladuras ao longo dos anos. Se estas molladuras son, ademais, con auga fría, con restos de area e microalgas, o risco de dano auditivo pode derivar en hipoacusia (perda de audición) ou exostose (crecemento anómalo da porción ósea do CAE).

Por todo o anterior, e por moito máis, aconsellámosche... Usar protección! Comprar xa os teus TOMBO, os teus novos tapóns de oído a medida!

Conserva la sonoridad con nuestros tapones para oídos a medida

Infórmate máis sobre , os tapóns de oídos para piscina feitos a medida!

Colocación

Para desfrutar das vantaxes dos tapóns de oído para piscina TOMBO, é necesaria unha correcta colocación destes protectores. Temos que poñelos de tal maneira que se evite que a auga poida chegar ao tramo final do conduto auditivo.

Estes tapóns para o oído son a medida, polo que podemos garantir a adaptabilidade e a flexibilidade dos mesmos, o que permiten, polo tanto, un axuste perfecto en cada unha das orellas.

Como dixemos, unha das vantaxes fundamentais destes protectores é que a persoa manterá a percepción dos ruídos do entorno o que, ademais de deixarlles manter unha conversación, tamén, por exemplo, axudaralle co equilibrio á hora de practicar surf, windsurf...

Mantemento

O material dos tapóns de oído TOMBO garanten unha duración mínima de 2 anos, sempre que non se produzan fisuras ou unha manipulación inapropiada (recortes, uso de pegamentos, uso de produtos non recomendados para a limpeza...)

Os filtros exteriores e interiores destes tapóns de oído para piscina teñen que ser cambiados segundo o nivel de uso, tipo de medio (auga salgada ou doce, presenza de area, presenza de algas...) e outras variables como a produción de cerume do propio oído que pode chegar a taponar o filtro.

A hixiene dos teus tapóns TOMBO é moi sinxela: lávaos con auga doce e xabón neutro e déixaos secar.

Fácil, cómodo... TOMBO!

Coñece xa o prezo dos novos tapóns de oído a medida para piscina!

Queres coñecer o prezo dos teus novos tapóns de oído para piscina? Ponte en contacto connosco ou consulta as opcións que che temos á túa disposición na nosa tenda online. Aposte por TOMBO, aposte polos tapóns de oído para a auga que non te afastarán da realidade.

Saber máis

Os tapóns para oídos a medida para desfrutar da auga